Инфлуенца А вирусот се наоѓа во многу различни животни, вклучувајќи ги кокошките, патките, свињите, коњите и фоките.

Има 16 различни хемаглутинински и 9 различни неуроминидаза подтипови и сите од нив може да се најдат во дивите птици. Тие се природен резервоар на сите подтипови и може да бидат извор за инфлуенца А вирус за другите животни.

Најголем број на вирусите предизвикуваат благи и умерени инфекции кај птиците; меѓутоа тежината на клиничката слика зависи од подтипот на самиот вирус.

Инфекцијата со некои подтипови на инфлуенца А вирусот (на пр. Н5 и Н7 вирусите) може да предизвика широко распространување на болеста со смрт на меѓу одредени видови на диви и домашни птици како што се кокошките и мисирките.

Свињите може да бидат инфицирани и со хумани и со птичји вируси на инфлуенца и дополнително со свински вируси на инфлуенца. Знаците на инфекција кај свињите се слични на оние како кај човекот: кашлање, треска и течење на носот.

Со огле дека свињите се чувствителни на птичјите, хуманите и свинските типови на инфлуенца, тие потенцијално може да бидат инфицирани со инфлуенца од различни животински видови и од човекот истовремено (на пр. со вируси на инфлуенца на мисирка и на човек). Доколку тоа се случи тогаш е можно гените на овие вируси да се измешаат и да формираат нов вирус.